Акафист Иисусу Сладчайшему

Возбра́нный Воево́до и Го́споди, а́да победи́телю, я́ко изба́влься от ве́чныя сме́рти, похва́льная воспису́ю Ти, созда́ние и раб Твой; но, я́ко име́яй милосе́рдие неизрече́нное, от вся́ких мя бед свободи́, зову́ща: Иису́се, Сы́не Бо́жий, поми́луй мя.

Высший Воевода и Господь, ада победитель! Избавившись от вечной смерти, хвалебные песни посвящаю Тебе я, создание и раб Твой. Ты же, имея милосердие неизъяснимое, от всяких бед освободи меня, взывающего: «Иисусе, Сын Божий, помилуй меня».

А́нгелов Тво́рче и Го́споди сил, отве́рзи ми недоуме́нный ум и язы́к на похвалу́ пречи́стаго Твоего́ и́мене, я́коже глухо́му и гугни́вому дре́вле слух и язы́к отве́рзл еси́, и, глаго́лаше зовы́й такова́я:

Иису́се пречу́дный, а́нгелов удивле́ние;

Иису́се преси́льный, прароди́телей избавле́ние.

Иису́се пресла́дкий, патриа́рхов велича́ние;

Иису́се пресла́вный, ве́рных укрепле́ние.

Иису́се прелюби́мый, проро́ков исполне́ние;

Иису́се преди́вный, му́чеников кре́посте.

Иису́се прети́хий, мона́хов ра́досте;

Иису́се преми́лостивый, пресви́теров сла́досте.

Иису́се премилосе́рдый, по́стников воздержа́ние;

Иису́се пресла́достный, преподо́бных ра́дование.

Иису́се пречестны́й, де́вственных целому́дрие;

Иису́се предве́чный, гре́шников спасе́ние.

Иису́се, Сы́не Бо́жий, поми́луй мя.

Ангелов Творец и Господь небесных Сил! Направь мой немощный ум и язык на хвалу пречистого Твоего имени, как некогда глухому и косноязычному Ты слух открыл и язык развязал, и говорил он, так возглашая:

Иисусе пречудный, Ангелов удивление;

Иисусе пресильный, прародителей избавление.

Иисусе пресладкий, патриархов величание;

Иисусе преславный, верных укрепление.

Иисусе прелюбимый, пророков исполнение;

Иисусе предивный, мучеников крепость.

Иисусе претихий, монахов радость;

Иисусе премилостивый, пресвитеров услада.

Иисусе премилосердный, постников воздержание;

Иисусе пресладостный, преподобных веселие.

Иисусе всечестной, девственных целомудрие;

Иисусе предвечный, грешников спасение.

Иисусе, Сын Божий, помилуй меня.

Ви́дя вдови́цу зе́льне пла́чущу, Го́споди, я́коже бо тогда́ умилосе́рдився, сы́на ея́ на погребе́ние несо́ма воскреси́л еси́; си́це и о мне умилосе́рдися, Человеколю́бче, и грехми́ умерщвле́нную мою́ ду́шу воскреси́, зову́щую: Аллилу́иа.

Как видя вдовицу, горько плакавшую, Господи, Ты, умилосердившись, сына ее, на погребение несомого, воскресил; так и надо мною умилосердись, Человеколюбец, и грехами умерщвленную душу мою воскреси, взывающую: Аллилуия!

Ра́зум неуразуме́нный разуме́ти Фили́пп ища́, Го́споди, покажи́ нам Отца́, глаго́лаше; Ты же к нему́: толи́кое вре́мя сый со Мно́ю, не позна́л ли еси́, я́ко Оте́ц во Мне, и Аз во Отце́ есмь? Те́мже, Неизсле́дованне, со стра́хом зову́ Ти:

Иису́се, Бо́же предве́чный;

Иису́се, Царю́ преси́льный.

Иису́се, Влады́ко долготерпели́вый;

Иису́се, Спа́се преми́лостивый.

Иису́се, храни́телю мой преблаги́й;

Иису́се, очи́сти грехи́ моя́.

Иису́се, отыми́ беззако́ния моя́;

Иису́се, отпусти́ непра́вды моя́.

Иису́се, наде́ждо моя́, не оста́ви мене́;

Иису́се, помо́щниче мой, не отри́ни мене́.

Иису́се, Созда́телю мой, не забу́ди мене́;

Иису́се, Па́стырю мой, не погуби́ мене́.

Иису́се, Сы́не Бо́жий, поми́луй мя.

Ища познать недоступное познанию, Филипп сказал: «Господи, покажи нам Отца». Ты же ему: «Столько времени пребывая со Мною, неужели не познал ты, что Отец во Мне и Я в Отце?» Потому, Непостижимый, я со страхом взываю к Тебе:

Иисусе, Бог предвечный;

Иисусе, Царь пресильный.

Иисусе, Владыка долготерпеливый;

Иисусе, Спаситель премилостивый.

Иисусе, Хранитель мой преблагой;

Иисусе, очисти грехи мои.

Иисусе, изгладь беззакония мои;

Иисусе, отпусти неправды мои.

Иисусе, надежда моя, не оставь меня;

Иисусе, помощник мой, не отринь меня.

Иисусе, создатель мой, не забудь меня;

Иисусе, пастырь мой, не погуби меня.

Иисусе, Сын Божий, помилуй меня.

Си́лою свы́ше апо́столы облеки́й, Иису́се, во Иерусали́ме седя́щия, облецы́ и мене́, обнаже́ннаго от вся́каго благотворе́ния, теплото́ю Ду́ха Свята́го Твоего́ и даждь ми с любо́вию пе́ти Тебе́: Аллилу́иа.

Силою свыше облекший Апостолов, в Иерусалиме пребывавших, Иисусе, облеки и меня, нагого добрыми делами, теплотою Духа Твоего Святого и дай мне с любовью петь Тебе: Аллилуия!

Име́яй бога́тство милосе́рдия, мытари́ и гре́шники, и неве́рныя призва́л еси́, Иису́се; не пре́зри и мене́ ны́не, подо́бнаго им, но, я́ко многоце́нное ми́ро, приими́ песнь сию́:

Иису́се, си́ло непобеди́мая;

Иису́се, ми́лосте безконе́чная.

Иису́се, красото́ пресве́тлая;

Иису́се, любы́ неизрече́нная.

Иису́се, Сы́не Бо́га Жива́го;

Иису́се, поми́луй мя гре́шнаго.

Иису́се, услы́ши мя в беззако́ниих зача́таго;

Иису́се, очи́сти мя во гресе́х рожде́ннаго.

Иису́се, научи́ мя непотре́бнаго;

Иису́се, освети́ мя те́мнаго.

Иису́се, очи́сти мя скве́рнаго;

Иису́се, возведи́ мя блу́днаго.

Иису́се, Сы́не Бо́жий, поми́луй мя.

Богатый милосердием, мытарей, и грешников, и неверных призвал Ты, Иисусе; не презри ныне и меня, подобного им, но, как многоценное миро, прими эту песнь:

Иисусе, сила непобедимая;

Иисусе, милость бесконечная.

Иисусе, красота пресветлая;

Иисусе, любовь неизреченная.

Иисусе, Сын Бога живого;

Иисусе, помилуй меня, грешного.

Иисусе, услышь меня, в беззакониях зачатого;

Иисусе, очисти меня, во грехах рожденного.

Иисусе, научи меня, непотребного;

Иисусе, освети меня, темного.

Иисусе, очисти меня, скверного;

Иисусе, возврати меня, заблудшего.

Иисусе, Сын Божий, помилуй меня.

Бу́рю внутрь име́яй помышле́ний сумни́тельных, Петр утопа́ше; узре́в же во пло́ти Тя су́ща, Иису́се, и по вода́м ходя́ща, позна́ Тя Бо́га и́стиннаго и, ру́ку спасе́ния получи́в, рече́: Аллилу́иа.

С бурей сомнений в сердце, Петр утопал; но увидев Тебя, Иисусе, во плоти и по водам ходящим, познал в Тебе Бога истинного и, руку спасения получив, воскликнул: Аллилуия!

Слы́ша слепы́й мимоходя́ща Тя, Го́споди, путе́м вопия́ше: Иису́се, Сы́не Дави́дов, поми́луй мя! И, призва́в, отве́рзл еси́ о́чи его́. Просвети́ у́бо ми́лостию Твое́ю о́чи мы́сленныя се́рдца и мене́, вопию́ща Ти и глаго́люща:

Иису́се, вы́шних Созда́телю;

Иису́се, ни́жних Искупи́телю.

Иису́се, преиспо́дних потреби́телю;

Иису́се, всея́ тва́ри украси́телю.

Иису́се, души́ моея́ уте́шителю;

Иису́се, ума́ моего́ просвети́телю.

Иису́се, се́рдца моего́ весе́лие;

Иису́се, те́ла моего́ здра́вие.

Иису́се, Спа́се мой, спаси́ мя;

Иису́се, све́те мой, просвети́ мя.

Иису́се, му́ки вся́кия изба́ви мя;

Иису́се, спаси́ мя, недосто́йнаго.

Иису́се, Сы́не Бо́жий, поми́луй мя.

Услышав слепой, что Ты, Господи, мимо по дороге проходишь, взывал: «Иисусе, Сыне Давидов, помилуй меня!» И призвав его, Ты открыл очи ему. Просвети же милостью Твоею духовные очи сердца и мне, взывающему к Тебе и говорящему:

Иисусе, горних Сил создатель;

Иисусе, земных искупитель.

Иисусе, преисподней разрушитель;

Иисусе, всего творения устроитель.

Иисусе, души моей утешитель;

Иисусе, ума моего просветитель.

Иисусе, сердца моего веселие;

Иисусе, тела моего здравие.

Иисусе, Спаситель мой, спаси меня;

Иисусе, свет мой, просвети меня.

Иисусе, от муки всякой избавь меня;

Иисусе, спаси меня, недостойного.

Иисусе, Сын Божий, помилуй меня.

Богото́чною Кро́вию я́коже искупи́л еси́ нас дре́вле от зако́нныя кля́твы, Иису́се, си́це изми́ нас от се́ти, е́юже змий запя́т ны страстьми́ плотски́ми, и блу́дным наважде́нием, и злым уны́нием, вопию́щия Ти: Аллилу́иа.

Как некогда пролитою божественною кровью искупил Ты нас от проклятия закона, Иисусе, так и ныне освободи нас из сети, в которой змий запутал нас страстями плотскими, и блудным соблазном, и злым унынием, возглашающих Тебе: Аллилуия!

Ви́девше о́троцы евре́йстии во о́бразе челове́честем Созда́вшаго руко́ю челове́ка, и Влады́ку разуме́вше Его́, потща́шася ве́твьми угоди́ти Ему́, оса́нна вопию́ще. Мы же песнь прино́сим Ти, глаго́люще:

Иису́се, Бо́же и́стинный;

Иису́се, Сы́не Дави́дов.

Иису́се, Царю́ пресла́вный;

Иису́се, А́гнче непоро́чный.

Иису́се, Па́стырю преди́вный;

Иису́се, храни́телю во мла́дости мое́й.

Иису́се, корми́телю во ю́ности мое́й;

Иису́се, похвало́ в ста́рости мое́й.

Иису́се, наде́ждо в сме́рти мое́й;

Иису́се, животе́ по сме́рти мое́й.

Иису́се, утеше́ние мое́ на суде́ Твое́м;

Иису́се, жела́ние мое́, не посрами́ мене́ тогда́.

Иису́се, Сы́не Бо́жий, поми́луй мя.

Дети еврейские, увидев в образе человеческом Создавшего Своей рукою человека и Владыку в Нем уразумев, поспешили с ветвями приветствовать Его, «Осанна!» возглашая. Мы же песнь приносим Тебе, говоря:

Иисусе, Бог истинный;

Иисусе, Сын Давидов.

Иисусе, Царь преславный;

Иисусе, Агнец непорочный.

Иисусе, Пастырь предивный;

Иисусе, хранитель в детстве моем.

Иисусе, наставник в юности моей;

Иисусе, слава в старости моей.

Иисусе, надежда при кончине моей;

Иисусе, жизнь после смерти моей.

Иисусе, утешение мое на суде Твоем;

Иисусе, желание мое, не посрами меня тогда.

Иисусе, Сын Божий, помилуй меня.

Пропове́дник богоно́сных веща́ние и глаго́лы исполня́я, Иису́се, на земли́ я́влься и с челове́ки Невмести́мый пожи́л еси́, и боле́зни на́ша подъя́л еси́, отню́дуже ра́нами Твои́ми мы исцеле́вше, пе́ти навыко́хом: Аллилу́иа.

Проповедников боговдохновенных проповедь и изречения исполняя, Иисусе, Ты, Беспредельный, на земле явился и жил с людьми, и страдания наши взял на Себя. Потому, ранами Твоими исцелившись, мы научились петь: Аллилуия!

Возсия́ вселе́нней просвеще́ние и́стины Твоея́, и отгна́ся лесть бесо́вская: и́доли бо, Спа́се наш, не терпя́ще Твоея́ кре́пости, падо́ша. Мы же, спасе́ние получи́вше, вопие́м Ти:

Иису́се, и́стино, лесть отгоня́щая;

Иису́се, све́те, превы́шший всех све́тлостей.

Иису́се, Царю́, премога́яй всех кре́пости;

Иису́се, Бо́же, пребыва́яй в ми́лости.

Иису́се, Хле́бе Живо́тный, насы́ти мя а́лчущаго;

Иису́се, исто́чниче ра́зума, напо́й мя жа́ждущаго.

Иису́се, оде́ждо весе́лия, оде́й мя тле́ннаго;

Иису́се, покро́ве ра́дости, покры́й мя недосто́йнаго.

Иису́се, пода́телю прося́щим, даждь мне плач за грехи́ моя́;

Иису́се, обре́тение и́щущим, обря́щи ду́шу мою́.

Иису́се, отверзи́телю толку́щим, отве́рзи се́рдце мое́ окая́нное;

Иису́се, Искупи́телю гре́шных, очи́сти беззако́ния моя́.

Иису́се, Сы́не Бо́жий, поми́луй мя.

Воссияло вселенной просвещение истины Твоей, и рассеялась ложь бесовская; ибо идолы, Спаситель наш, не вынеся силы Твоей, пали. Мы же, спасение получив, возглашаем Тебе:

Иисусе, истина, обман отгоняющая;

Иисусе, свет, высший всякой светлости.

Иисусе, Царь, превозмогающий всех крепостью;

Иисусе, Бог, исполненный милости.

Иисусе, хлеб жизни, насыть меня, алчущего;

Иисусе, источник разума, напои меня, жаждущего.

Иисусе, одежда веселия, одень меня, тленного;

Иисусе, покров радости, покрой меня, недостойного.

Иисусе, податель просящим, дай мне плач о грехах моих;

Иисусе, обретение ищущих, обрети душу мою.

Иисусе, отворяющий стучащимся, открой сердце мое окаянное;

Иисусе, искупитель грешных, очисти беззакония мои.

Иисусе, Сын Божий, помилуй меня.

Хотя́ сокрове́нную та́йну от ве́ка откры́ти, я́ко овча́ на заколе́ние веде́н был еси́, Иису́се, и я́ко а́гнец пря́мо стригу́щаго его́ безгла́сен, и я́ко Бог из ме́ртвых воскре́сл еси́, и со сла́вою на небеса́ возне́слся еси́, и нас совоздви́гл еси́, зову́щих: Аллилу́иа.

Желая сокрытую от века тайну открыть, как овца на заклание, Ты веден был, Иисусе, и, как агнец пред стригущим его, был безгласен, и как Бог из мертвых воскрес Ты, и со славою на небеса вознесся, и нас поднял с Собою, восклицающих: Аллилуия!

Ди́вную показа́ тварь, явле́йся Творе́ц нам: без се́мене от Де́вы воплоти́ся, из гро́ба, печа́ти не руши́в, воскре́се, и ко апо́столом, две́рем затворе́нным, с пло́тию вни́де. Те́мже чудя́щеся, воспои́м:

Иису́се, Сло́ве необыме́нный;

Иису́се, Сло́ве несогляда́емый.

Иису́се, си́ло непостижи́мая;

Иису́се, му́дросте недомы́слимая.

Иису́се, Божество́ неописа́нное;

Иису́се, госпо́дство неисче́тное.

Иису́се, ца́рство непобеди́мое;

Иису́се, влады́чество безконе́чное.

Иису́се, кре́посте высоча́йшая;

Иису́се, вла́сте ве́чная.

Иису́се, Тво́рче мой, уще́дри мя;

Иису́се, Спа́се мой, спаси́ мя.

Иису́се, Сы́не Бо́жий, поми́луй мя.

Дивное действие показал Творец, явившийся нам: Он без семени от Девы воплотился, из гроба, печати не нарушив, воскрес и к Апостолам, при запертых дверях, вошел во плоти. Потому в изумлении воспоем:

Иисусе, Слово разумом непостижимое;

Иисусе, Слово, необозримое.

Иисусе, сила непостижимая;

Иисусе, мудрость непознаваемая.

Иисусе, Божество неизобразимое;

Иисусе, господство неисчислимое.

Иисусе, царство непобедимое;

Иисусе, владычество бесконечное.

Иисусе, могущество высочайшее;

Иисусе, власть вечная.

Иисусе, Творец мой, сжалься надо мной;

Иисусе, Спаситель мой, спаси меня.

Иисусе, Сын Божий, помилуй меня.

Стра́нно Бо́га вочелове́чшася ви́дяще, устрани́мся су́етнаго ми́ра и ум на Боже́ственная возложи́м. Сего́ бо ра́ди Бог на зе́млю сни́де, да нас на небеса́ возведе́т, вопию́щих Ему́: Аллилу́иа.

Дивно сделавшегося человеком Бога видя, удалимся от суетного мира и ум к божественному направим. Ибо для того Бог и сошел на землю, чтобы нас на небеса возвести, восклицающих Ему: Аллилуия!

Весь бе в ни́жних, и вы́шних ника́коже отступи́ Неисче́тный, егда́ во́лею нас ра́ди пострада́, и сме́ртию Свое́ю на́шу смерть умертви́, и воскресе́нием живо́т дарова́ пою́щим:

Иису́се, сла́досте серде́чная;

Иису́се, кре́посте теле́сная.

Иису́се, све́тлосте душе́вная;

Иису́се, быстрото́ у́мная.

Иису́се, ра́досте со́вестная;

Иису́се, наде́ждо изве́стная.

Иису́се, па́мяте предве́чная;

Иису́се, похвало́ высо́кая.

Иису́се, сла́во моя́ превознесе́нная;

Иису́се, жела́ние мое́, не отри́ни мене́.

Иису́се, Па́стырю мой, взыщи́ мене́;

Иису́се, Спа́се мой, спаси́ мене́.

Иису́се, Сы́не Бо́жий, поми́луй мя.

Весь был на земле, не оставляя Небес, числом неизмеримый, когда добровольно за нас пострадал, и смертию Своею нашу смерть умертвил, и воскресением жизнь даровал поющим:

Иисусе, сладость сердечная;

Иисусе, крепость телесная.

Иисусе, светлость душевная;

Иисусе, острота разума.

Иисусе, радость совести;

Иисусе, надежда верная.

Иисусе, память предвечная;

Иисусе, похвала высокая.

Иисусе, слава моя превознесенная;

Иисусе, желание мое, не отринь меня.

Иисусе, Пастырь мой, взыщи меня;

Иисусе, Спаситель мой, спаси меня.

Иисусе, Сын Божий, помилуй меня.

Все естество́ а́нгельское безпреста́ни сла́вит пресвято́е и́мя Твое́, Иису́се, на небеси́: Свят, Свят, Свят, вопию́ще; мы же, гре́шнии на земли́ бре́нными устна́ми вопие́м: Аллилу́иа.

Весь мир Ангельский непрестанно славит пресвятое имя Твое, Иисусе, на небесах «Свят, Свят, Свят!» восклицая; мы же, грешные, на земле бренными устами восклицаем: Аллилуия!

Вети́я многовеща́нныя я́коже ры́бы безгла́сныя ви́дим о Тебе́, Иису́се, Спа́се наш: недоуме́ют бо глаго́лати, ка́ко Бог непрело́жный и челове́к соверше́нный пребыва́еши? Мы же та́инству дивя́щеся, вопие́м ве́рно:

Иису́се, Бо́же предве́чный;

Иису́се, Царю́ ца́рствующих.

Иису́се, Влады́ко владе́ющих;

Иису́се, Судие́ живы́х и ме́ртвых.

Иису́се, наде́ждо ненаде́жных;

Иису́се, утеше́ние пла́чущих.

Иису́се, сла́во ни́щих;

Иису́се, не осуди́ мя по дело́м мои́м.

Иису́се, очи́сти мя по ми́лости Твое́й;

Иису́се, отжени́ от мене́ уны́ние.

Иису́се, просвети́ моя́ мы́сли серде́чныя;

Иису́се, даждь ми па́мять сме́ртную.

Иису́се, Сы́не Бо́жий, поми́луй мя.

Риторов громогласных, как рыб, безгласных мы видим пред Тобою, Иисусе, Спаситель наш; ибо они не в силах объяснить, как Ты Богом неизменяемым и одновременно человеком совершенным пребываешь. Мы же, дивясь этой тайне, с верою восклицаем:

Иисусе, Бог предвечный;

Иисусе, Царь царствующих.

Иисусе, Владыка властвующих;

Иисусе, Судия живых и мертвых.

Иисусе, надежда безнадежных;

Иисусе, утешение плачущих.

Иисусе, слава нищих;

Иисусе, не осуди меня по делам моим.

Иисусе, очисти меня по милости Твоей;

Иисусе, отгони от меня уныние.

Иисусе, просвети мои очи сердечные;

Иисусе, дай мне память о смерти.

Иисусе, Сын Божий, помилуй меня.

Спасти́ хотя́ мир, Восто́че восто́ком, к те́мному за́паду – естеству́ на́шему прише́д, смири́лся еси́ до сме́рти; те́мже превознесе́ся и́мя Твое́ па́че вся́каго и́мене, и от всех коле́н небе́сных и земны́х слы́шиши: Аллилу́иа.

Желая спасти мир, Ты, блистающее при восходе Солнце, к темному западу естества нашего снизойдя, уничижил Себя до смерти. Потому превознеслось имя Твое выше всякого имени, и от всех родов небесных и земных Ты слышишь: Аллилуия!

Царю́ Преве́чный, Уте́шителю, Христе́ и́стинный, очи́сти ны от вся́кия скве́рны, я́коже очи́стил еси́ де́сять прокаже́нных, и исцели́ ны, я́коже исцели́л еси́ сребролюби́вую ду́шу Закхе́а мытаря́, да вопие́м Ти, во умиле́нии зову́ще:

Иису́се, сокро́вище нетле́нное;

Иису́се, бога́тство неистощи́мое.

Иису́се, пи́ще кре́пкая;

Иису́се, питие́ неисчерпа́емое.

Иису́се, ни́щих одея́ние;

Иису́се, вдов заступле́ние.

Иису́се, си́рых защи́тниче;

Иису́се, тружда́ющихся по́моще.

Иису́се, стра́нных наста́вниче;

Иису́се, пла́вающих ко́рмчий.

Иису́се, бу́рных оти́шие;

Иису́се Бо́же, воздви́гни мя па́дшаго.

Иису́се, Сы́не Бо́жий, поми́луй мя.

Царь предвечный, Утешитель, Христос истинный, очисти нас от всякой скверны, как очистил десять прокаженных, и исцели нас, как исцелил сребролюбивую душу Закхея мытаря, дабы мы возглашали Тебе, в раскаянии взывая:

Иисусе, сокровище нетленное;

Иисусе, богатство неистощимое.

Иисусе, пища укрепляющая;

Иисусе, питие неисчерпаемое.

Иисусе, нищих одеяние;

Иисусе, вдов заступление.

Иисусе, сирот защитник;

Иисусе, в трудах сущим помощь.

Иисусе, странников путеводитель;

Иисусе, плавающих кормчий.

Иисусе, терпящим бурю тихое пристанище;

Иисусе Бог, воздвигни меня, падшего.

Иисусе, Сын Божий, помилуй меня.

Пе́ние всеумиле́нное приношу́ Ти недосто́йный, вопию́ Ти я́ко ханане́а: Иису́се, поми́луй мя; не дщерь бо, но плоть и́мам страстьми́ лю́те беся́щуюся и я́ростию пали́мую, и исцеле́ние даждь вопию́щу Ти: Аллилу́иа.

Песнопения покаянные приношу Тебе я, недостойный, взываю Тебе, как хананеянка: «Иисусе, помилуй меня!»

Не дочь, но плоть имею я, страстями тяжко одержимую и яростно разжигаемую, и исцеление подай возглашающему Тебе: Аллилуия!

Светопода́тельна свети́льника су́щим во тьме неразу́мия, пре́жде гоня́й Тя Па́вел, богоразу́мнаго гла́са си́лу внуши́ и душе́вную быстроту́ уясни́; си́це и мене́ те́мныя зе́ницы душе́вныя просвети́, зову́ща:

Иису́се, Царю́ мой прекре́пкий;

Иису́се, Бо́же мой преси́льный.

Иису́се, Го́споди мой пребезсме́ртный;

Иису́се, Созда́телю мой пресла́вный.

Иису́се, Наста́вниче мой предо́брый;

Иису́се, Па́стырю мой преще́дрый.

Иису́се, Влады́ко мой преми́лостивый;

Иису́се, Спа́се мой премилосе́рдый.

Иису́се, просвети́ моя́ чу́вствия, потемне́нныя страстьми́;

Иису́се, исцели́ мое́ те́ло, острупле́нное грехми́.

Иису́се, очи́сти мой ум от по́мыслов су́етных;

Иису́се, сохрани́ се́рдце мое́ от по́хотей лука́вых.

Иису́се, Сы́не Бо́жий, поми́луй мя.

Тебя, Светильник, свет подающий пребывающим во тьме неведения, прежде гнавший Павел, силе голоса божественной мудрости внял и тотчас душу свою прояснил. Так просвети омраченные очи и моей души, восклицающей:

Иисусе, Царь мой всесильный;

Иисусе, Бог мой всемогущий.

Иисусе, Господь мой пребессмертный;

Иисусе, Создатель мой преславный.

Иисусе, Наставник мой предобрый;

Иисусе, Пастырь мой прещедрый.

Иисусе, Владыка мой премилостивый;

Иисусе, Спаситель мой премилосердный.

Иисусе, просвети мои чувства, затемненные страстями;

Иисусе, исцели мое тело, покрытое язвами грехов.

Иисусе, очисти мой ум от помыслов суетных;

Иисусе, сохрани сердце мое от вожделений порочных.

Иисусе, Сын Божий, помилуй меня.

Благода́ть пода́ждь ми, всех долго́в реши́телю, Иису́се, и приими́ мя ка́ющася, я́коже прия́л еси́ Петра́, отве́ргшагося Тебе́, и призови́ мя уныва́ющаго, я́коже дре́вле Па́вла, гоня́ща Тя, и услы́ши мя, вопию́ща Ти: Аллилу́иа.

Благодать прощения мне даруй, все долги прощающий Иисусе, и прими меня, кающегося, как принял Ты Петра, отрекшегося от Тебя, и призови меня, унывающего, как некогда Павла, гнавшего Тебя, и услышь меня, восклицающего Тебе: Аллилуия!

Пою́ще Твое́ вочелове́чение, восхваля́ем Тя вси, и ве́руем со Фомо́ю, я́ко Госпо́дь и Бог еси́, седя́й со Отце́м и хотя́й суди́ти живы́м и ме́ртвым. Тогда́ у́бо сподо́би мя десна́го стоя́ния, вопию́щаго:

Иису́се, Царю́ предве́чный, поми́луй мя;

Иису́се, цве́те благово́нный, облагоуха́й мя.

Иису́се, теплото́ люби́мая, согре́й мя;

Иису́се, хра́ме предве́чный, покры́й мя.

Иису́се, оде́ждо све́тлая, украси́ мя;

Иису́се, би́сере честны́й, осия́й мя.

Иису́се, ка́меню драги́й, просвети́ мя;

Иису́се, со́лнце пра́вды, освети́ мя.

Иису́се, све́те святы́й, облиста́й мя;

Иису́се, боле́зни душе́вныя и теле́сныя изба́ви мя.

Иису́се, из руки́ сопроти́вныя изми́ мя;

Иису́се, огня́ неугаси́маго и про́чих ве́чных мук свободи́ мя.

Иису́се, Сы́не Бо́жий, поми́луй мя.

Воспевая Твое вочеловечение, восхваляем Тебя все и веруем с Фомою, что Ты Господь и Бог, сидящий со Отцом и грядущий судить живых и мертвых. Удостой же тогда встать справа от Тебя меня, взывающего:

Иисусе, Царь предвечный, помилуй меня;

Иисусе, цвет благовонный, благоухания исполни меня.

Иисусе, теплота любимая, согрей меня;

Иисусе, храм предвечный, покрой меня;

Иисусе, одежда светлая, укрась меня;

Иисусе, жемчуг многоценный, осияй меня.

Иисусе, камень драгоценный, просвети меня;

Иисусе, солнце правды, освети меня.

Иисусе, свет святой, озари меня;

Иисусе, от болезней душевных и телесных избавь меня.

Иисусе, из руки врага исторгни меня;

Иисусе, от огня неугасимого и прочих вечных мук освободи меня.

Иисусе, Сын Божий, помилуй меня.

О, пресла́дкий и всеще́дрый Иису́се! Приими́ ны́не ма́лое моле́ние сие́ на́ше, я́коже прия́л еси́ вдови́цы две ле́пте, и сохрани́ достоя́ние Твое́ от враг ви́димых и неви́димых, от наше́ствия иноплеме́нник, от неду́га и гла́да, от вся́кия ско́рби и смертоно́сныя ра́ны, и гряду́щия изми́ му́ки всех, вопию́щих Ти: Аллилу́иа, аллилу́иа, аллилу́иа.

О пресладкий и всемилостивый Иисус! Прими ныне это малое моление наше, как принял Ты две лепты вдовицы, и сохрани наследие Твое от врагов видимых и невидимых, от нашествия иноплеменников, от недуга и голода, от всякой скорби и смертоносной язвы, и от грядущей муки избавь всех, возглашающих Тебе: Аллилуия!

А́нгелов Тво́рче и Го́споди сил, отве́рзи ми недоуме́нный ум и язы́к на похвалу́ пречи́стаго Твоего́ и́мене, я́коже глухо́му и гугни́вому дре́вле слух и язы́к отве́рзл еси́, и, глаго́лаше зовы́й такова́я:

Иису́се пречу́дный, а́нгелов удивле́ние;

Иису́се преси́льный, прароди́телей избавле́ние.

Иису́се пресла́дкий, патриа́рхов велича́ние;

Иису́се пресла́вный, царе́й укрепле́ние.

Иису́се прелюби́мый, проро́ков исполне́ние;

Иису́се преди́вный, му́чеников кре́посте.

Иису́се прети́хий, мона́хов ра́досте;

Иису́се преми́лостивый, пресви́теров сла́досте.

Иису́се премилосе́рдый, по́стников воздержа́ние;

Иису́се пресла́достный, преподо́бных ра́дование.

Иису́се пречестны́й, де́вственных целому́дрие;

Иису́се предве́чный, гре́шников спасе́ние.

Иису́се, Сы́не Бо́жий, поми́луй мя.

Возбра́нный Воево́до и Го́споди, а́да победи́телю, я́ко изба́влься от ве́чныя сме́рти, похва́льная воспису́ю Ти, созда́ние и раб Твой; но, я́ко име́яй милосе́рдие неизрече́нное, от вся́ких мя бед свободи́, зову́ща: Иису́се, Сы́не Бо́жий, поми́луй мя.

Влады́ко Го́споди Иису́се Христе́ Бо́же мой, и́же неизрече́ннаго ра́ди Твоего́ человеколю́бия на коне́ц веко́в во плоть оболки́йся от Присноде́вы Мари́и,

сла́влю о мне Твое́ спаси́тельное промышле́ние, раб Твой, Влады́ко;

песносло́влю Тя, я́ко Тебе́ ра́ди Отца́ позна́х;

благословлю́ Тя, Его́же ра́ди и Дух Святы́й в мир прии́де;

покланя́юся Твое́й по пло́ти Пречи́стой Матери, такове́й стра́шней та́йне послужи́вшей;

восхваля́ю Твоя́ А́нгельская ликостоя́ния, я́ко воспева́тели и служи́тели Твоего́ вели́чествия;

ублажа́ю Предте́чу Иоа́нна, Тебе́ крести́вшаго, Го́споди;

почита́ю и провозвести́вшия Тя проро́ки, прославля́ю апо́столы Твоя́ святы́я;

торжеству́ю же и му́ченики, свяще́нники же Твоя́ сла́влю;

покланя́юся преподо́бным Твои́м, и вся Твоя́ пра́ведники пе́снствую.

Такова́го и толи́каго мно́гаго и неизрече́ннаго ли́ка Боже́ственнаго в моли́тву привожду́ Тебе́, всеще́дрому Бо́гу, раб Твой, и сего́ ра́ди прошу́ мои́м согреше́нием проще́ния, е́же да́руй ми всех Твои́х ра́ди святы́х, изря́днее же святы́х Твои́х щедро́т, я́ко благослове́н еси́ во ве́ки. Ами́нь.

Владыка Господи Иисусе Христе, Боже наш, по неизреченному Твоему человеколюбию в конце веков облекшийся в плоть от Приснодевы Марии! Славим Твое спасительное о нас промышление, мы, рабы Твои, Владыка; воспеваем Тебя, ибо чрез Тебя мы Отца познали; благословляем Тебя, через Кого и Дух Святой в мир пришел. Поклоняемся Твоей по плоти Пречистой Матери, этому страшному таинству послужившей. Восхваляем Твои Ангельские хоры, как певцов и служителей Твоего величия.

Блаженным именуем Предтечу Иоанна, Тебя крестившего, Господи. Почитаем и предвозвестивших Тебя пророков. Прославляем Апостолов Твоих святых, превозносим и мучеников, святителей Твоих славим, поклоняемся преподобным Твоим, и всех Твоих праведников чтим. Такой и столь великий, и неисчислимый сонм Божественный побуждаем на молитву Тебе, всемилосердному Богу мы, рабы Твои, и потому просим наших согрешений прощения. Его и даруй нам ради всех Святых Твоих, вернее же – ради святых Твоих щедрот, ибо Ты благословен вовеки. Аминь.